الكلام الزين

قطرة قطرة يحساب الغلا ساهل ايجي بالفطرة سقاني امرار الصوب قطرة قطرة
كله منك علمتهن لنظار ما ينسنك غايب عليهن ليش كله منك
ياريت الغلا منهج وفيه قرينا ..ممتاز الاول في غلاك خدينا
*****************************************
من كثر ما هم قاسيات اوجاعي..الناس راقده واني بروحي واعي..الناس راقدين هنايا..وينسوا مشاكلهم مع التغطايا..وانا بروحي ما ونيس معايا..انجوم السماء عديتهم بصباعي
*****************************************
نحلف لو عيني خاناتك باصباع يديا نعميها..نحلف لو كبدي كرهاتك بيدي من جوفي نرميها..نحلف لو ايدي خدلاتك بالنار ايديا نكويها ..لكني كبدي حباتك وعيوني نضراتك تكفيها..ايدي من ساعه لمساتك ماعاد الغير يدفيها
*****************************************
هيا هيا حتي انكان عشقتك بكل جد ونية ..عندي احساس يقول مانك ليا.

********************************************لو انك حبيبي وين المرض يشتد ..وين كل واحد ينشد..؟حتي انت تنشد زيا ..صدقت قول الناس من قالك لاباس من قال عيني حية ؟

*********************************************
زي الذهب مخلص معاك في ودي ..عمرالذهب مايجيه يوم ويصدي.
************************************************
أنت والغير لا ماكم سواء ... يابعيون مليانه وفاء ...ما كيفك حبيب في ماضي العمر والعمرالقريب ... وماعنديش من غيرك سريب ... ومانبيش من بعدك غلا ... وحق الله ونبيه الحبيب عشقتك عشق في دمي سرا ...عشقتك جرح لايمكن أيطيب وله أسنين غاير في الحشاء ... عشقتك نار سامرها لهيب جحيم وجمر مكنوني كوا ... رسمتك نجم نوره مايغيب يضوي دوم في قلب السماء؟
*************************************************
فاقد ايام دلاله ...
لا من شقى بيه ولا من نشد عن حاله ... قزون خاطري

واني نقول :-
فاقد ايام افراحه ...
لا شقى بيه ولا من شفاله جراحه ..
مليوع خاطري.


فاقد ايامه الزينة ...
وشايل علي كتوفه حمول رزينة ...
مسكين خاطري .
*********************************************
لو كان مانك غالي لاندورك ولا تزيد تشغل بالي..لو كان مانك زين لاندورك ولا ترايف
عليك العين..ولو كان مش في بالي لاندور ولا يوصلك مرسالي.........
**********************************************
ما كيف ودك ود..ولا ريت كيفك حد..غاليتك غلا من جد قدرك كبير وغالي..ماريت كيفك كيف
جميل الوصايف صعب في التوصيف.. طبعك غريب كيف المطر في الصيف.. كلامك عجيب
موزون مو تخريف.............
*********************************************
مازلت نا القريب.. ومازلت قاعد ما نويت انغيب.. وحالف معاكم ما اندير العيب.. يلي غلاكم للجروح شفاء ..وان ضاق حالي ما انزور طبيب ..عندي احضور الغاليين دواء..
***********************************************
تسعد وتهنا ان كان جيت احذاهم *** وبيك يفرحوا هلي انظاف النية
ابعد المواجع صاينيين خطاهم *** وفي حقهم كل الكلام اشوية
*******************************************
مازلت كي ما كنت... لابعت صاحب لارفيقي خنت... نظيف الصداقة كان ما قارنت... من غير علة خالصة بوفاء... وننشد لوجه الله انكان نشدت ...علي صاحبي حتى ان كان جفاء ....
******************************************
لا جيتهم نشحت ولا نجده ... غير قلبي حن ما قدرت انرده ... وين جيتهم هملوني ... كيف الغريب في جنبهم خلوني ... لاسلموا لا رحبوا لا جوني ... مالقيت غير الجفاء والصداه ... انكان الغوالي في الوسع صدوني ... منهو اللي نلقاه وقت الشدة ....
***********************************************
سلام سامي سما فوق السماء جوه ... سلام سرق برق غرق فرق حرق طرق بابه بقوه ... سلام ديما حايم غايم عايم قايم صايم شامل مع كثر نوه ... سلام امسطر امعطر امقطر للغالي اللي استلم توه
************************************************
غلاك بقوة يدلف فى شرايين القلب ينحت جوة كل يوم ايزيد
***********************************************
بلا خوت ما تقدرها ... الدنيا صعيبه كان جاك خبرها... بلاخوت مالك هيبه... وبلاخوت ما تسوي تراب زريبة... وبلاخوت مالك والي .. ولانك حبيب الناس ولانك غالي.
**********************************************